Ini tulisan dari blog tetangga kami orang Betawi asli yang sangat produktif, blognya ada di http://wiskul.wordpress.com en disadur berdasarkan ijin beliau nech. Kurang lebihnya seperti ini:
Dinihari ini Bang Wiskul bangun kecepetan buat sahur. Secara anak bininye masih pade tidur. Hari ini Sabtu 28 Agustus 2010 pra subuh. Bang wiskul keluar rumah, ke pinggiran gang dimuke rumah doi. Suasane masih sepi. Barusan ajeh Masjid Attahiriyah ngeluarin pengumuman waktunye bangun bagi nyang mau sahur.
Dikeheningan dinihari ini doi jadi kepikiran 17 hari ramadhan nyang udeh lewat kemaren. Ternyata perasaan temperamental dihari” awal puasa, pelan” berangsur berkurang ame berjalannye waktu. Temperamental entu muncul gara” mengantuk nyang menyerang hari” awal bang wiskul berpuase. Kadang” dibarengin ame perasaan negative thinking ke orang laen. Bawaannye sensitif ajeh. Sensi begitu dehhh…
Nah, ini mau kagak mau kudu dicari penyelesaiannye nech. Daripade hikmah puasanye berkurang, bang wiskul kepikiran juga mencari solusi… ingat, solusi… bukannye selotip… hehe..kagak nyambung, Jack!
Rupanye, semangkin ‘kesini’, semangkin banyak pencerahan. Apelagi bang wiskul banyak” beramal ibadah, wirid tasbih tahmid zikir, shodaqoh jariyah, amal ma’ruf nahi mungkar… ditambah lagi sering” denger tausiyah ceramah, di tipi atawa di masjid. Klop ajeh dah!
Lama” turun juga entu tensi, berganti ame rasa tata tentrem karta raharjo, gemah ripah loh jinawi. Hwaduh, bahasa planet mane lagi entu.
Pokoke, ada perbaikan lah di puasa nye bang wiskul. Jasmani rohani. Amiin.
Naaa, sekarang udeh waktunye sahur nech, ame anak bininye bang wiskul. Pamit dulu dah di tulisan ini.
Irfansyah7 