Ini tulisan dari blog tetangga kami orang Betawi asli yang sangat produktif, blognya ada di http://wiskul.wordpress.com en disadur berdasarkan ijin beliau nech. Kurang lebihnya seperti ini:
Abis terawehan, bang wiskul sempet ngobrol sebentar ame Putri anaknye Pak RT, ditemenin ame Ningsih bininye bang wiskul. Gara”nye nyeritain minuman nyang seger buat buka puasa bikinan sendiri ape” ajeh. Si Putri punya resep minuman seger Mixed Fruit Juice, entu tuh… gabungan wangi strowberi ame jambu biji.
Katanya si Putri rase jus ini istimewa banget….. ibarat martabak… spesial pake telor… nyang VIP dah…!! Perpaduan wangi strowberi ame jambu biji pas banget en nikmat asoy geboy dehhhhh…..
Apelagi ditambahin susu kentel manis bikin ini jus jadi lebih ‘creamy’. Sensasi asam dari aer jeruk lemon en dinginnye es batu ngejadiin minuman ini tambah terasa segerrr banget dah!!.
Naaaa… nyang beginian khan pas buat buka puasa.
Putri nyeritain bahan-bahannye: 300 gram jambu biji merah, 150 gram strowberi, dicuci nyang bersih dulu yeah…, 2 sdm (sendok makan) susu kentel manis, 2 sdm aer jeruk lemon ato jeruk nipis, 100 gram es batu
Kalo udeh pade ngumpul (di absen ajeh…hehehe) entu bahan-bahannye, sekarang giliran disimak cara ngebuatnye:
– Pertama-tama kupas jambu biji en dibuang bijinya. Trus dipotong”.
– Trus masukin potongan jambu biji, ama strowberi, tambahin susu kentel manis, ama air jeruk lemon en es batu ke dalam blender. Diblender, dihalusin sampe lembut…. selembut”nye.
– Siapin gelas saji, trus dituang jus sampe gelas saji penuh. Perlu juga dihias rias sesuai selera.
– Sajiin deh sesegera mungkin!!!
– Bahan” nyang tadi udah diceritain cukupnye sech secara normal buat 2 porsi.
Tips:
Kalo kepengen jus agak berwarna hijau, pake ajeh jambu biji Bangkok nyang warna hijau. Ganti strowberi ame melon. Komposisi bahan lain seperti susu kental manis, air jeruk lemon en es batu tetap dengan ukuran yang sama menyesuaikan sech….
“Selamat menikmati yah…!” kata si Putri.
Irfansyah7 