Ini tulisan dari blog tetangga kami orang Betawi asli yang sangat produktif, blognya ada di http://wiskul.wordpress.com en disadur berdasarkan ijin beliau nech. Kurang lebihnya seperti ini:
Malming ini bang wiskul ngider” nganterin customer ada orderan narik bajaj nye disekitaran Jatinegara, Tebet ame Manggarai. Secara hari Sabtu malam ini tanggal 4 September 2010 jadi H-6 menjelang Lebaran.
Bener kata Ustadz Ujang juga, orang” nyang di awal” Romadhon penuhin masjid buat terawehan sampe membludak, sekarang di akhir” puase giliran masjid tinggal 1-2 shaf doangan… sepi. Nyang membludak malahan pusat” belanje kayak mal di sekitaran Jatinegara, Tebet ame Manggarai. Orang” kagak berhentinye mengalir ngisi entu mal”. Bisa jadi ini tipikal di seantero Jakarta a.k.a. seluruh Indonesia.
Fenomena ini sech emang udeh bertaon” kejadian di Jakarta. Biasenye orang” emang sekalian persiapan menjelang mudik nyang diperkirakan puncaknye hari Minggu besok dah tuh! Mudik ke jawa atawa ke seberang pulau ke tempat asal muasal pade” entu.
Entar kalo pas lebaran di jakarta, pas selesai sholat ied, naaa… ibarat kata, jalan thamrin kite bisa tiduran ditengah jalan dah tuh! Abis sangking sepinye. Hehe… Dikampung” nyang ada keluarga nyang kagak sempet mudik atawa orang “asli” jakarta nyang pade sibuk silaturrahmi deh. Keluar dah kuliner khas lebaran, sebangse ketupat opor ayam en temen”nye. So… yummy!
Kembali ke persoalan mal nyang membludak jelang lebaran. Nyang keliatan mah, orang” pade kagak ada matinye buat belanja! Kayaknye orang jakarta nech kagak ada nyang suseh nye tuh! Seolah” tingkat perekonomian keluarga Indonesia tuh kagak ada nyang rendah deh!
Woiits… entar dulu nech. Kenape renungan bang wiskul jadi kayak pengamat ekonomi nyang suka muncul di tipi yeh. Nyang suka asal mangap, en asal nyap” biar keliatan ber-intelektual tinggi tuh! Deeeuu… bang wiskul jadi kebablasan nech ngebahas nye. Kayaknye perlu dibahas ke tingkat nyang lebih tinggi, tingkat obrolan di pos ronda nech. Ame pak RT Sutejo, ame sekretaris RT pak yuliansyah, ato ame si mamat en rojak nyang sok teu entu… hehehe.
Yoi deh, happy ramadhan, happy idul fitri, lah yauuu!
Irfansyah7 
Posted by Wiskul on 5 September 2010 at 04:00
Jadi juga ente nyadur. Selamet ye.
Posted by Gadis on 5 September 2010 at 04:03
Wah, mas irfan. Ikutan dunk nyadur juga. Boleh ga ya sama bang wiskul.
Posted by Ketoprak Betawi on 5 September 2010 at 04:07
Betul mas, mudah2an perekonomian kita membaik terus. Amiin. (sutejo)
Posted by Andi Hasan on 5 September 2010 at 05:22
Fan, keep’n blogging yeahhh.
Posted by Rojak on 5 September 2010 at 05:29
Mas, ajarin bikin blog donk? Kpn ktmuan di PR lg. PR= pos ronda.
Posted by Putri on 5 September 2010 at 05:33
Hmmm.. Mas Irfan mantap ya.. Cerita kuliner trus niy ya
Posted by Doel on 5 September 2010 at 05:36
Naaa ada cerita betokaw yee
Posted by Mat Jo on 5 September 2010 at 05:39
Kalo di ambassador, kagak puasa, kagak lebaran, muuaacet..cett…trrusss